அறிந்ததும் அறியாததும் 4 - "ஓசனிச்சிட்டு" (HUMMING BIRD)

"ஓசனிச்சிட்டு" பெயரை கேட்டாலே வித்யாசமா இருக்குதில்ல , ஆமாங்க நாம் மூக்கில் விரல் வைக்கும் அளவுக்கு அதிசயமான ஒரு பறவைங்க இந்த ஓசனிச்சிட்டு, அட அதுதாங்க HUMMING BIRD .



உலகத்திலுள்ள பறவை இனத்திலேயே மிக மிகச் சிறிய பறவை இந்த ஓசனிச்சிட்டுகள். இவை சிறகடித்துக்கொண்டே பூவிலிருந்து தேனை உறிஞ்சு வாழும். ஓசனிச்சிட்டு பேரினத்தில் 320 வகைகள் உள்ளன. ஓசனிச்சிட்டுகள் பறவை இனத்திலேயே மிக அதிக வகைகள் கொண்ட ஒரு பேரினமாகும்.



சுண்டு ஓசனிச்சிட்டு என்ற இவ்வினத்தைச் சேர்ந்த பறவை 5 செ.மீ நீளமே கொண்டுள்ளது, எடையும் 1.8 கிராம் மட்டுமே. இதன் இறக்கைகள் நொடிக்கு 60-80 தடவை மிகமிக வேகமாக அடிக்கும். இந்த பறவை கியூபா நாட்டில் காணப்படுகிறது.

ஓசனிச்சிட்டுகளுள் மிகப் பெரியது பேரோசனிச்சிட்டு ஆகும். இந்த பேரோசனிச்சிட்டு 18-20 கிராம் எடையும் ஏறத்தாழ 21-22 செ.மீ நீளமும் கொண்டது. இவை நொடிக்கு 8-10 முறைகள்தான் இறக்கைகளை அடிக்கின்றன, இவ்வகை தென் அமெரிக்காவின் ஆண்டீய மலைத்தொடர்ப் பகுதிகளில் ஈக்வெடோர் முதல் தெற்கே சிலி, அர்ஜென்டினா நாடுகள் வரை உள்ள பகுதிகளில் வாழ்கின்றன.
நடு எடை உள்ள ஓசனிச்சிட்டுகள் நொடிக்கு 20-25 முறைகள் சிறகடிக்கின்றன.

இப்பறவைகளின் புகழ்பெற்ற சிறப்பியல்புகளின் ஒன்று அந்தரத்தில் பறந்துகொண்டே பூவில் இருந்து தேன் உண்ணுவது, இது பறந்துகொண்டே பின்னோக்கியும் நகரவல்லது; நெட்டாக, நேர் செங்குத்தாக, மேலெழுந்து பறந்து நகரவும் வல்லது.




ஓசனிச்சிட்டுகள் பூவுக்குப் பூ தாவி பூந்தேன் உண்ணும் பொழுது செடிகளுக்குத் தேவையான மகரந்த சேர்க்கை நிகழ்கின்றது. ஓசனிச்சிட்டுகள் பூந்தேன் நிறைந்த பூக்களை நாடிப் பூவில் இருந்து பூந்தேன் உண்கின்றன. இனிப்புப் பொருள் மிகுந்துள்ள பூக்களையே அதிகம் விரும்புகின்றன.

பெரும்பாலான ஓசனிச்சிட்டுகள் கண்ணைக் கவரும் பளபளப்பாக ஒளிரும் நிறங்கள் கொண்ட தோற்றம் கொண்டவை. பெரும்பாலும் ஆண் பறவைகள் அழகான நிறம் கொண்டிருக்கும். பெண்பறவைகள் அப்படி இருக்காது, ஆனால் இருபால் பறவைகளுக்கும் ஒளிரும் நிறங்கள் காணப்படும்.



ஹம்மிங் பறவை from Jayanth on Vimeo.

இந்த பகிர்வு உங்களை கவர்ந்திருந்தால் (இல்லையென்றாலும்) நீங்க வந்ததுக்கு அடையாளமா கருத்துக்களை சொல்லிவிட்டு போகலாமே...

மீண்டும் சிந்திப்போம்...